Atrėbutika Draugėjės veikla Tėtolėnis

Skouda Žemaitiu draugėja
» Informacija
» Zemaitiu kalba 24/7
Vėlniaus žemaitiu draugėja
Nuorodos


Lankytojai: 9704.

Ontra karta pastivalis pavīka

Lėipas 15-uo pastivalio „Skouda sala – 2022“ Skoudė atpruovīta Žemaitiu vėinībės dėina. Tas pastivalis īr itraukts ėr i Žemaitiu kalbuos metams, katrās Skouda rajuona savėvaldībė īr paskelbosi 2022-ūsius, skėrtū rėngėniū pruograma.

Pagal Skouda žemaitiu draugėjės pruojekta „Edokacėnės kūrībėnės dėrbtovės „Super Skouda salelė“, katrou ėš dalėis riemė Skouda rajuona savėvaldībės administracėjė, pastivali soorganizava mėnavuota organizacėjė, Skouda rajuona savėvaldībės R. Granauskė vėišuoji bėbliuoteka ėr Skouda rajuona savėvaldībė, partnerē – Skouda rajuona kultūras cėntros, Skouda krašta bėndruomenė ėr Skouda veikliū muotinu klubs.

Koncertava Stakiens Virgis, gropės „Juonis“, „Pečios griūn“ ėr Austiejė so sava gropė. Pėrmāsis sava repertuarė tor tik vėina daina žemaitiu kalbo. Anou jau bova ėšmuokės priš tris metus pėrmajem pastivaliou „Skouda sala“. Vo Austiejė so gropė dainiava tik žemaitėškā. Ėr kap sakė tėi, katrėi gėrdiejė, dainiava dėdėlē poikē.

Kadangi rėngėnīs skėrts Žemaitiu vėinībės, arba Dorbės mūšė, dėinā, katra īr švėntėnama lėipas 13-uo, pamėnavuotė, bova priminta tuo mūšė istuorėnė reikšmie. Tou padėrba šiuo straipsnelė autuorė.

Kap ėr kuožna meta, Žemaitiu vėinībės dėinā skėrtamė rėngėnie paskelbts „Kėitiausis žemaitis“. Tēp Skouda žemaitiu draugėjė pavadėn daugiausē žemaitiu etnėnem identitetou ėr patem svarbiausem anuo ženklou – žemaitiu kalbā – nosėpelniosi žmuogo. Šēs metās tas garbings vards soteikts ėr žėnklielis īsegts Skouda žemaitiu draugėjės tarības narē Sruogienē Bėrotā. Skouda rajuona savėvaldībės R. Granauskė viešuosės bėbliuotekas Skaitītuoju aptarnavėma skīriaus vediejė dėrbonti muotrėška dā īr ėr Daukšiū suoduos bendruomenės pėrmėninkė, ėr Skouda literatu kluba „Nuojos“ prezidėntės pavaduotuojė. Diel tuo tou vakara anou pasveikėna ne tik Skouda žemaitiu draugėjės pėrmėninks Grušos Juonis so pavaduotuojo Vainuoro Stasio, tarības nario Tubėno Arūno, bet ėr Skouda rajuona savėvaldībės mera pavaduotuojė Bodrienė Daiva, Administracėjės dėrektuorios Ramanavičios Žīdrūns, rėngėni vedosi Skouda rajuona kultūras cėntra dėrektuoriaus pavaduotuojė Ragauskātė Dalė, bet ėr Skouda literatu kluba atstuovės – prezidėntė Zabitienė Dalė, tarības narie Lekniovienė Danutė ėr Kaunienė Genutė.

Priš tris metus, ka tas pastivalis bova soorganizouts pėrmouji karta ėr mozėkontu bova privažiavė net ėš Latvėjės, nutėkosi nelaimė – vėskou pagadėnosi liūtės – nepasėkartuojė: neėškrėta ni lašos lītaus! Diel tuo žiūruovu ėr klausītuoju netrūka. Vėinė tik veiziejies ėr klausies, kėtė so „muobėliakās“ pilmava, tretė karto so mozėkontās dainiava arba linksmā tonciavuojė.

Vo vākā linksmėnuos ėr tuokart, ka jau sotema. Anū nikāp negaliejē atėtrauktė no vėsuokiu edokacėju, katrū siūluojė Skouda rajuona savėvaldībės R. Granauskė vėišuosės bėbliuotekas darbuotuojē ėr Skouda veikliū muotinu klubs.

Atruoda, ka tuo švėntie nebova nosėmėnės ni vėns – ni mažė, ni paugė.

Zabitienė Dalė



Skelbiami konkurso "Koram žemaitėškā" nuostatai.



Anketa žemaitiu pasou gautė rasėt če.



Internetinis puslapis  „Žemaitiu kalba 24/7“ 

 Naujas, žemaičiams ir jiems prijaučiantiems skirtas tinklalapis www.zemaiciukalba.lt  . Internetinis puslapis sukurtas įdyvendinant Skuodo rajono savivaldybės viešosios bibliotekos projektą  „Žemaitiu kalba 24/7“  (rėmėjas - Lietuvos Respublikos kultūros ministerija ir Lietuvos nacionalinė Martyno Mažvydo biblioteka). Pavadinimas reiškia, kad norintys studijuoti žemaičių kalbą, gali tai daryti visas septynias savaitės dienas ir visą parą.

Maloniai kviečiame visus užsukti.


© 2011 - 2020 Žemaičių kultūros draugija. Visos teisės saugomos.